Partindo do seu contacto coa música tradicional, Bea García, Érica García, Pilar Naveira, María Bouzas e Patricia Coucheiro deciden xuntar inquedanzas musicais para dar lugar a Zoelas, proxecto no que misturan as raíces do canto tradicional con melodías doutros estilos musicais e letras propias.

O nome “Zoelas” é collido dunha tribo prerromana que habitaba a zona noroeste da península. Un matriarcado cuxos valores serven ao grupo de inspiración para moitas das súas composicións.