Pablo Carpintero e Rosa Sánchez presentan ao grupo asturiano Xeitu, que interpreta un pericote.

O pericote é o homólogo asturiano da muiñeira vella, un baile que se caracteriza porque o fan grupos pequenos dun home e dúas mulleres. A muller non fai os puntos, só debuxa oitos no chan. É un baile moi antigo, documentado no século XVII, e daquela chamábanlle “baile de tres”. Os puntos que bailan os homes son sempre moi sinxelos. Podíase bailar ao son da gaita ou das pandereteiras; neste caso faise coa gaita.

O traxe que visten as mulleres, denominado “de aldeana”, foi declarado en Asturias Ben de Interese Cultural.