A asociación de Mulleres Rurais de San Bartolomeu de Ínsua (Vilalba)  e o grupo de baile Xaora de Lugo, representan unha tasca de liño ao xeito tradicional desa zona, pois as ferramentas e os procesos varían de sitio a sitio.

A tasca é o proceso de limpar o liño da “aresta”, os anacos duros de casca que leva a herba para que queden limpas as fibras e podelas fiar. Para iso, primeiro hai que romper a aresta nun mazote e despois pasala por un banco tascón. Unha vez acabada a tasca, as mulleres preparaban o “cacho” (un pan cocido con leite e azucre) para os homes, que chegaban a comer, e despois facíase a foliada.