Sondeseu naceu no ano 2001 no antigo departamento de Música Tradicional da Escola de Artes e Oficios, hoxe E-Trad, de Vigo.  Foi a primeira orquestra de música folc contemporánea de Europa, composta por medio cento de músicos. O seu repertorio consta de temas procedentes da tradición oral da música popular de Galicia arranxados especialmente polos seus compoñentes, que abranguen gaitas, percusión, zanfonas, violíns, requintas e frautas de madeira, canto, arpas e corda pulsada.

“O Mandil” é un tema tradicional, interpretado no seu día por Berrogüetto, arranxado especialmente para a orquestra polo seu autor: Quico Comesaña.