Este grupo naceu en 1989 nun obradoiro de folclore do concello de Eivissa. O baile tradicional da illa ten dous ritmos: “sa curta” e “sa llarga”. Este último é un baile de cortexo no que os homes tentan impresionar ás mulleres coa súa forza e rematan axeonllándose ante elas. As mulleres desprázanse formando pequenos círculos, e ese movemento ten certa semellanza coa nosa muiñeira vella, como explican Pablo Carpintero e Rosa Sánchez antes da peza.