A agrupación Rebulir representa unha escea de principios do século XX. Naqueles tempos, o baile era o lugar onde se moceaba, e por iso rapaces e rapazas querían aprender a bailar. O neno da representación, despois de escoitar como se coñeceran e namoraran seus pais, pídelle ao pai que lle ensine uns puntos para namorar a unha moza. Cos seus puntos aprendidos vaise para a praza para botar unhas bailas.

A peza foi recollida na parroquia de Xirazga, en Beariz. Beariz é unha zona que se caracteriza porque se bailaba en roda, non se facían filas nin tablóns e as mulleres sempre bailan de costas. Os traxes que levan son de cotío, o traxe que se empregaba todos os días.