Un dos poucos mestres tocadores do acordeón diatónico. Manuel Pazos, de Merezo (Muxía), recibiu un acordeón que chegou desde Bós Aires e aprendeu vellas melodías sen ter idea de solfexo. Pazos de Merexo deixou de tocar trala morte da súa muller, pero recuperou o instrumento para acompañar á “Manada Invencible”, unha gran manifestación dos gandeiros galegos contra as cotas do leite que encheu o Paseo da Castellana de Madrid no ano 1997. Alí volveu soar o acordeón de Pazos, que non deixou de tocar.

Nesta actuación de Luar, tiña unha man adoecida por un accidente, deixou a rehabilitación por ir tocar ó programa e o público rematou pedíndolle un bis.