Vemos unha recreación dun serán en Rodeiro (Avión) nos anos 50-60, anos de mocidade das pandereteiras Flor do Toxo que actúan, que teñen entre 70 e 85 anos e que son testemuño vivo daquela época. Naquel tempo todos os domingos se xuntaban as mozas e mozos para cantar, tocar e facer “o baile”, ao xeito de serán.

Cantar ao estilo dalí, un dos poucos lugares de Galicia onde a tradición de tocar a lata se conservou moi ben. Tamén teñen unha peculiaridade no toque da pandeireta que consiste no denominado “toque empuñado con rebote”. En canto aos bailes, a cargo do grupo Vila do Orcellón (O Carballiño), tamén hai que destacar que naquela zona sempre son en roda e nunca en fila.