Os membros da Agrupación Folclórica Cultural “O Fiadeiro” representan unha aña: cando se vesaba unha finca, quedaban sen labrar as esquinas a onde non chegaba o veso. Entón, as labradoras agarrábanse a estas esquinas da leira e a que primeiro acabase de labrar “gañaba a aña”, o que se tiña por algo de moito prestixio. O mesmo sucedía cando non se araba, senon que se labraba a man toda a finca: as primeiras labradoras en chegar ao fondo da leira gañaban a aña. Isto celebrábase botando unhas cantigas ao son dos sachos que eran bailadas pola xente que colaborara na labranza, e despois viña a merenda.