Jean Michel Bereau, Xan Errotabehere e Pierre Sangla, naturais do País Basco francés,  formaron Kalakan no 2009 a partir dun dúo de txalaparta. Unha das primeiras xiras europeas que fixeron contiña unha interpretación do Bolero de Ravel con percusións bascas. Posteriormente participaron en máis de 80 concertos durante a xira mundial de Madonna do ano 2012, e colaboraron co portugués Luís Peixoto e o dúo italiano L’Incontro. Kalakan caracterízase por unha música minimalista baseada simplemente no ritmo e na melodía. Os seus temas arrincan directamente da tradición euskera e danlles unha personalidade moi propia. O seu nome significa “charlando”.