A Asociación Cultural Retranqueiros naceu en 2015  en Ames, xuntando artistas con experiencia noutras formacións da provincia. A ela pertence este grupo A de pandereteiras de entre 18 e 30 anos que levan uns tres anos tocando xuntas. A “Xota de Gargamala e añas de Queimadelo” é unha peza que se tocaba nas labradas, e por iso se utilizan os apeiros de labranza como instrumentos. Van vestidas como para ir de labrada nos tempos d’ hoxe: con mandilón e botas de auga.
Nas labradas xuntábanse os membros dunha familia ou veciñanza para para facer traballos agrícolas e normalmente rematábanse cantando.