Gaztedi Dantzari Taldea naceu no barrio bilbaíno de Santutxu en 1951. É o grupo máis veterano de Bizkaia.

A”Kaixarranka” é unha danza orixinaria de Lekeitio, localidade costeira de Bizkaia. Está baseada nos antigos rituais de toma de posesión dos patróns da Cofraría de Pescadores de Lekeitio. As primeiras referencias desta danza datan de finais do século XVI.

Actualmente, cada 29 de xuño realízase unha procesión polo porto ata o lugar onde está a imaxe de San Pedro. O patrón baila sobre unha arca, porteada por oito pescadores, onde gardan as contas da Cofraría.