Un dos coros galegos máis senlleiros: formouse na Coruña o 28 de decembro de 1916 e debutou ante o público o 12 de xullo de 1917 no Teatro Rosalía de Castro da Coruña. Ao principio estivo formado unicamente por homes.

O coro foi fundado co gallo de recuperar e espallar a música e a cultura galegas. O seu repertorio conta con máis de setecentas partituras, entre alalás, pandeiradas, maneos, foliadas, muiñeiras, cántigas de berce, cantares de arrieiro e de desafío ou alboradas.

Desta volta acoderon ao programa para celebra-lo seu centenario, despois de repasar previamente a súa traxectoria.

Compartir