Estes oito rapaces e rapazas de Alcázar de San Juan (Cidade Real) defínense como un grupo de música tradicional da Mancha, aínda que constitúen unha iniciativa novidosa dentro do contexto da música e da canción tradicional da rexión castelá-manchega. Empregan as melodías e os textos tradicionais para compoñer as súas músicas buscando sempre recuperar a súa memoria musical. Levan 5 discos publicados e en 2017 outorgáronlles o quinto Premio Europeo Nueva Creación de Folklore “Agapito Marazuela”. Un premio que pretende demostrar que Marazuela segue cada día máis vivo, e que o seu Cancionero de Castilla la Vieja é unha fonte incesante do folclore castelán.