Banda de música Airiños do Morrazo e Lembranzas da Ría: “Festa na vila”

A asociación cultural Lembranzas da Ría naceu en Cangas no ano 1984. Vemos un fragmento do espectáculo “Festa na Vila”, que combina música, baile e teatro. Lembranzas da Ría estreouno en 2016 coa colaboración da Banda de Música Airiños do Morrazo de Moaña e a Escola Municipal das Artes Escénicas de Cangas.

“Festa na Vila” mostra o baile tradicional das romarías amenizadas por bandas de música. Un percorrido desde principios até mediados do século XX, onde se pretende amosar o baile por distintas comarcas: Ancares, Xallas, Fonsagrada, Carballo, Deza, Tabeirós, Ponteareas, Mondariz, Carballiño… As bandas de música tiñan un papel moi importante dentro da nosa tradición. Ainda que o instrumento máis representativo da música tradicional é a gaita, moitas bandas adaptaron melodías e cantos populares aprendidos de xente da aldea para facer as súas obras. Moitas festas e romarías foron amenizadas por bandas de música e gaiteiros, onde a xente bailaba e namoraba.
Esta escea do espectáculo, onde se baila un Bolero, representa a separación dunha parella debido á emigración. Despois báilase unha Muiñeira da comarca de Xallas ao son da Banda de Música, que interpreta “Maruxiña”, de Antonio Amigo.

Videos similares

Los Key: “La morena”

0 2603 15 A clásica orquestra da Coruña formouse nos anos 60 e mantivo a actividade ata os 2003. Por Los Key pasaron

Los Key: “Amarillo limón”

0 4498 31 Los Key formouse na Coruña nos anos 60′ con moitos dos membros da desaparecida Orquesta Radio. Pola orquestra pasaron vocalistas

Non hai comentarios

Aínda non hai comentarios!

Aínda non hai comentarios!

Pero pode ser o primeiro en escribir un

Escribe un comentario

Os datos gardaranse!

O seu enderezo electrónico non se publicará. Así mesmo, os seus datos non se compartirán con terceiras persoas.
Os campos requeridos están marcados*