Ramón Carou é o único compoñente que queda de Aires da Nosa Terra, un cuarteto mítico de Asados, Rianxo, que comenzou a tocar cara os anos 1942-44 e durou ata os 70. Ramón tamen formou parte da Sección Feminina, foi mestre de gaita e impulsor de novos grupos en Rianxo.

Co acompañamento da asociación A Regionalista de Teo e Fogofatou de Rianxo, rescatamos unha escea de festa nos anos 50, de cando viñan os rapaces da mili, os quintos, coincidindo coas festas. Os quintos levan o traxe militar da Mariña e bailan a ritmo de valse. A foto do escenario é a Praza Rafael Dieste, de Rianxo.