En Lagartera (Toledo), hai poucos anos era habitual ver aos veciños e veciñas facendo as tarefas diarias vestidos co seu traxe tradicional. Pouco despois do falecemento da última persoa que o facía, creouse a asociación “Amigos del Traje de Lagartera” (2007) para estudar e difundir os seus bordados tradicionais, auténticas obras de arte. Ademais difunden os seus bailes. Neste caso interpretan unha jota que alí chaman a “sentadita”. Condicionada polo traxe que, ao levar “guardapieses”,  ser tan pesado e non levar pololos, facía que a xente non dera grandes saltos nen voltas, polo que a xota é moi pausada.