Esta agrupación practica a “folcterapia”, clases abertas de baile e pandeireta para pequenos e adultos, nos que ademáis de aprender compártense actividades, faise exercicio, divírtense xuntos… Definen a folcterapia como “diversión, identidade propia, amizade, compañeirismo e saúde”.

Rosalía de Castro é unha das formacións máis antigas de Padrón e bisbarra. Empezou a súa actividade en 1985 e o seu repertorio está formado por bailes e músicas recollidas por toda a xeografía galega por Fernando Martínez e Mercedes Peón.